5粒星推介@九記牛腩

今日終於返工，真係好似同事咁講，今日已經係星期五，好在有姐姐響到，要follow up既野唔多，返黎好快已經pick up返自己做既野，連韓國仔既會都唔駛我開，比返時間我去搞掂自己既野。

不過唔知係咪真係唔操勞得，今朝已經有少少發燒，幸好ｄ藥已經有埋退燒藥，所以真係要好好休息，呢家好似亞婆咁，行得慢少少，講野慢少少，透氣大啖少少，咁就會無事，我相信食曬ｄ藥就會好返。

晚上，同哥哥去左食好好味既九記牛腩，由於佢19:15至20:30係清潔時間，所以我同哥哥都要趕趕地去食，入到去一定係伊麵，因為其他地方無得食，仲要食佢最出名既爽腩，真係超好食，點知哥哥無啦啦唔知點解何來既食量，仲叫多個咖哩麵，哈，兩個人食到飽飽。

之後哥哥仲提議去食太子既臭頭腐，哈哈，真係好鬼臭…

晚上DD終於又返黎啦，我地又再一次出去九龍城食泰國菜，一日食咁多餐，好飽。