20140205-BB蕉

今日老公返公司開一開門，派派利是就可閃！於是去左俊家燒野食。

見佢地兩個想坐火車，我仲叫老公唔駛接，膽粗粗帶兩件坐巴士轉火車去元朗！

開頭老公未到，Gary接我地，所以帶左佢地響錦上路坐低等下！

去到俊哥哥屋企，兩隻開頭完全唔肯落地。手抱兩件...好彩後尾可以比Gary同靜兒抱一陣直到爸爸黎！

明明話燒下午，見佢地話踢波，我都醒水話閃去瞓，瞓一陣都7點先開始燒野食。

以為兩個小朋友好呢hea,佢地又出奇地乖巧。乖巧到可以食完自己去玩豆豆-一隻好老既八哥！仲㩒住唔比佢行。

又肯跟俊爸爸入屋彈琴，可算係首次。証明我仔真係好愛音樂！