原來不知不覺間，今日已經係同你一齊走過左第400天。
由一個乜都唔識既新手媽媽，到呢家由換片、沖涼、餵奶、暗訓都無問題既媽媽，我覺得呢400天真係無白過。
Dabi B岩岩出世時，我同老公講，人地話過左100日就會好湊好多
那時既我倆仲覺得遙遙無期
點知轉眼間已經過左4個100日啦~~~~
好多人問我，點解咁後生就放棄左自己既工作去做一個全職媽媽？
首先我要多謝我老公無限量精神上同金錢上既支持
其實我知道你係好辛苦架....(◕‿◕)
若然你比我揀多100次，我都寧願當一個全職媽媽
唔係因為全職媽媽un un腳，如果你係一個全職媽媽，我諗你先會明白
7days 24hours on call既400天，絕不好受！
但係你可以望住你既小寶貝每日唔同既變化，就算幾辛苦，你都有一種動力撐落去
雖然做一個全職媽媽係真係連病同痾紙既資格都無，不過我...真係好樂意！
呢400日我真係過得好開心
仲記得未生Dabi前，有同事提我要每日都對住BB笑
我真係記到呢家架，而Dabi B真係一個開心BB
每日見到佢開心、快樂既笑容，就算個一刻佢激親你，你都好想錫返佢
呢400日，Dabi B已經由一舊蕃薯長大左好多
由要我抱住，到學識坐，到呢家四圍行，原來只係400日
睇住你fing開我隻手要自己行既時候，我心酸一酸
原來你已經又獨立左好多啦！
但願你長大後，仍記得爸爸媽媽曾拖著你既小手學行路既情境
還有40多天，我地又要同另一個新生命見面啦
緊張、興奮、擔心....
我成日都記住呢句金句：「神既恩典夠你用」
神既恩典真係好豐厚，呢一年比我地一家四口的，很多很多！
Dabi & Jobi：
爸爸媽媽未必可以滿足你地物質上所有既要求，
但我地會盡力地比最好既野你地
希望你地都能有個開心愉快既童年！
做全職媽咪真的不容易！！加油呀 ~~~~~~
回覆刪除[版主回覆01/07/2012 18:15:58]真係架，不過當然Working Mum都有佢地既辛苦既~~
時間真係飛快咁過,我覺得做全職真係好偉大既事情啦!
回覆刪除b囡好快來臨啦，加油呀！
[版主回覆01/07/2012 18:16:15]多謝你,好耐無去你個blog,原來bb都咁大個啦!!大家一齊加油^^
我好佩服全職媽媽嫁...........雖然我都想做, 可惜金錢上十卜唔到 :(
回覆刪除有o左bb, 時間真是比以前過得更快更快!! 祝福你們一家四口, so happy & 幸福啊 ^^
[版主回覆01/07/2012 18:17:21]餅媽,我都想好似你咁可以狂買野比餅餅...只係我金錢一樣support唔到~~~
期待餅餅都快d有個細佬/妹^^
FTM真係唔易做呀!!!
回覆刪除[版主回覆01/07/2012 18:17:45]各有各辛苦jeh~~~~
小桃，我都相信能夠做到全職媽媽是一種福份，最重要是看著孩子每每的第一次，看著孩子健康成長，也是你們最大的心願，right？
回覆刪除小高祝你們一家有個豐盛又健康的一年！YEAH ~
[版主回覆01/07/2012 18:18:26]係,可以做全職媽媽係一個好大好大既福氣,到呢家我都好多謝我老公架~~~
多謝小高你滿滿既祝福!!
作為媽媽的,永遠都是最關懷自己孩子的,add oil....
回覆刪除小桃，就算可以滿足到所有物質上o既嘢，永遠都唔及你哋俾佢哋o既愛~
回覆刪除全職媽媽，give me five! 我要所妳多多指教先得~~~