Huggies BB四圍走 - Dabi出現啦！

早前好多謝好多謝大家支持Dabi玩既Huggies BB四圍走！
雖然....雖然Dabi B只係得百多票....不過....我真係好唔鍾意有D媽咪去人地個張相度拉票之餘，仲要咩投左我，就可以比返10票你個類。
所以後尾我都無乜心機再玩lu...覺得好似都無乜意思咁！

當然，咁樣就當然有好多好多好多媽咪不滿啦，我都覺得呢d係身教，唔好大教壞細。係人都覺得自己既bb係最得意架啦，我都唔例外。
幸好，Huggies可能為左平息大家既怒火，佢book左一個大既廣告，響銅鑼灣地鐵站！而Dabi B都可以成為當中既一份子。
咁遠，我就梗係無山長水又遠咁去啦，幸好哥哥既女朋友有去幫我影底作為留念。

聽到有朋友問我，話覺得Dabi B好得意，點解無獎？個一刻，我已經當Dabi B已經得左獎啦，有大家既支持同溺愛，仲唔夠咩？

再一次多謝大家既支持，Dabi B第一次做廣告明星仔，已經好開心，好足夠了！