探B大行動

響整個懷孕旅程入面，我最想多謝個個朋友係 - tintin，佢算係好早知我有左既朋友仔，識佢係因為九寨溝影相，影完相都兩年，估唔到大家都keep到成日msn吹水。
佢早我兩個月有左，加上佢公司超搞笑，佢有左之後，就一直有同事相繼有babe，所以問佢大肚既野，佢係最清楚。
大家都好似見証住大家大肚咁，超搞笑。
由於佢早過我大肚，好多時都係佢提我之後要做乜做乜，我對佢就真係無乜貢獻，有時仲覺得自己煩住佢tim，幸好佢都會幫我提我。

我覺得大肚有孕媽媽一齊交流，而唔止係blog上/forum上既交流係好緊要架。

佢原因放前二後八，點知岩岩放假，小B女就乖乖出世啦～

雖然唔抱得又唔食得豬腳薑，但見到你個可愛小B，真係乜都抵曬。
見到你同亞May兩個都生左，真係忍唔住講做亞媽既真係好偉大！

期待同你一齊分享更多生B湊B既經歷....
小B女，你要乖乖長大，聽媽媽話，第時同我個Dabi一齊出黎玩架～