倒數59天

唔駛返工既日子，以為自己可以接生意返黎做，但呢幾日都係忙於搞自己既婚禮，真係接都唔敢接。

今日又走左去搞帖，帖既design已經接近尾聲，應該可以去印，但就仲未睇帖封，真係唔多ok，所以今日就走左去睇一轉，幸好都唔難搵，亦都唔貴。其實一直都怕自己會用太多$響呢個帖上面，話曬都係人地一收到就唔知會唔會掉埋一邊，但我自己仍有自己既堅持，一生人一次，無理由唔搞自己想搞既野。

再響同小Joe傾電話期間，講開未搞紅酒，佢就叫我不如上一上夏生個度，結果就係咁上去賣醉，原來咁既價都可以有咁好飲既紅酒，真係飲到我想再飲，仲想問佢單枝買，咁當然係無啦，下次帶埋哥哥上黎試完就掂曬！

晚上會合劉Auntie去睇喼，佢話係嫁妝之一，要佢買架喎，所以我地今日就走左去睇啦，佢仲話想睇多款d，不如去Sogo睇，明明我無心理準備要去cwb架嘛，搞到我著拖鞋咁ugly，幸好都無乜人會留意我呢個look jeh～

睇左唔係太貴就係唔靚，一係就無紅色，終於搵到兩個，左邊個個係軟喼，仲要係我最鍾意既桃紅色，呵呵呵！最尾拍版連哥哥都覺得特別，掂曬～

第時去旅行終於有我地兩個既喼啦，開心屎～