因為我唔知張餅咭可唔可以搞DIY(如果有人知，請話比我知），所以我就先搞個信封！
首先要多謝貓貓送贈我既囍字Die Cut（因為係貓貓送贈，所以我都唔知邊度有得買），有了大方向，就知自己既DIY應該向邊出發～
第二要多謝梗係男朋友個妹 - 嘉嘉啦！佢成為左我製毒工場既主要助手，不停幫我手...最緊要既係，我發現佢整得靚過我整，佢話我無得撈啦！
當然唔少得要多謝既係我未來老公，佢雖然口口聲聲話整完都無人睇、呢一個信封係最快比人掉左既item之一，但其實佢知我好想DIY，所以都無阻止我（應該係話阻止唔到^^）
雖然唔係張張都咁靚，但我真係打到手都軟埋....
每一張都要好大力先打到架～
而亞妹就整個條花花同埋兩隻Dove（原來喜鵲唔易搵到印仔），加埋金色閃粉，掂曬！
大功告成，不過由於數量太多，仍需努力～
沒有留言:
張貼留言