今日一早比個客嘈醒左，打比哥哥之後，我地就出左去大埔食野，哈，估唔到我地兩個響大埔今日可以行咁耐。
響天橋上聽到有個貌似40歲既男人響到鬧自己個妹(個妹都成30幾歲)：「您只係舊番薯咋！」
之後響大埔中心行行下，再聽到另一個大約唔夠6歲既小朋友好大聲同爸爸講：「您係咪聾架？」
我地真係o左咀～
呢幾年一直都想買個暖爐，我好怕凍，但年年話買都覺得貴無買，今日同哥哥行，佢知我一直都好想要，就自己叫左個sales買呢個比我，又識轉，有咩危險都會自己熄機，好好用。多謝您呀～
之後仲去左食亞婆豆腐花，yammy～
3點我地要去睇薛凱琪音樂劇，意想不到的好睇，我本人覺得粱祖堯好正，好入戲，見佢戲入面做野投入既程序，諗起舊公司既Eric，好似。
成個音樂劇都有一個問題，究竟亞fi係咪唱live呢？
可能因為有梁祖堯，同埋我一向鍾意音樂劇，我覺得ok好睇。
今晚仲可以去食唔駛$既百利火鍋，正！
沒有留言:
張貼留言